هي غايتي والغير نجزاه تطنيش

 

    الشاعر والصقار خالد بن سليمان الجريش من اشد المولعين بالطير وله الكثير من القصائد في القنص ووصف الطير نشرت له صفحة خزامى الصحارى قصيدة يوم الجمعة 15 / 9 / 1433ه بعنوان (ثلاث) وجاريتها بهذه الابيات المتواضعة:

قاف(ن) جــديــد(ن) ما لفاني روايـــه ............... 

 ............... على الخزامى من بعيـــد المداغيــــش

خالـــد ابـــو سليمـــان وانــا لجــايـــه ............... 

 ...............  يبين مع شوفــة اصعــــاب المناويـــش

معانــي(ن) بالطيــر مــا هــي دعـــايه ............... 

 ............... حــب وولــع والنفــوس فيهـا مباهيش

وكل(ن) على شفــه يجــي لــه رمايــه ............... 

 ............... وبالطــير ما الومــه وغيــره مباليــش

ناس(ن) لـها بالطيـــر حــب وولايــــه ............... 

 ............... للوســم حسبتهـــا ولا همهــا العيـــش

وانا هـــواي وغايتـــي من صبــايــــه ............... 

 ............... شوفة فياض(ن) ما وطاها حشاحيش

ما غيــر فيهـــا الطيـــر زج الغنايـــه ............... 

 ............... من دون صوت الطير ما فيه تشويش

اسج عن شي(ن) يعـكـر صفايـــــــه ............... 

 ............... في خاطري ما ثمنوه المرابيــــــش

حب الحبيـــب اللي تمكـــن غلايــــه ............... 

 ............... هي منوتي من ناقضات العكــــاريش

يا ابن اجريش والله ما يروي ظمايه ............... 

 ............... يا كود شوف الناعسات المراميـــش

اللي لها بالقلـــب مثــــل البنايــــــه ............... 

 ............... هي غايتي والغير نجــزاه تطنيــــش

واعداد ما نجم (ن) يبيــن بسمايــه ............... 

 ............... ازكى صلاة الله على صفوة قريــش

سليمان المطرودي

رابط القصيدة بالجريدة 

http://www.alriyadh.com/2012/08/06/article757889.html