قصائد الشماسية

قصائد في الشماسية 
انا من الشماسية ، ولا  اقول عن نفسي شاعر الشماسية 
كتبت عدد من القصائد في الشماسية 
هي ديرتي وتستحق منا الكثير سواء شعر او نثر  

هذه عدد من القصائد في محافظة الشماسية 

الاولى قصيدة في الشماسية كتبتها عام 1408


لي ديرةٍ بين الجبل والنفودي ............... 

 ...............  مشهورة بالطيب يا زين ملفاه

لـعـل فـوقـه يرزمن الرعــودي ............... 

 ............... غر السحايب جعلها ماتعداه

تضفي عليها من كريم ٍ يجودي ............... 

 ............... وسمية يعجز عن السيل مجراه

حتى نشوفه مخضر ٍ كل عودي ............... 

 ............... عسى نوايع عشبها دوم تكساه

اشماسية ٍ بالقلب حبه يزودي ............... 

 ............... اشماسية ٍ بالقلب حبه حفظناه

ربعي حموها يوم قدح الزنودي ............... 

 ............... خلو عدوّه ما يفــكـر بمغزاه

متلايميــن ٍ كـلهـم لــه اجـنودي ............... 

 ............... واهل الطمع مادوجو يوم بحماه

واليوم في خير ٍ بحكم السعودي. ............. 

 ............... مستامنين وكـــل سرح بمفلاه

مرحوم يا من لم كل الحدودي ............... 

 ............... حــط الجزيرة كلها تحت يمناه

عبدالعزيز الليث فهد الفهودي ............... 

 ............... عبدالعزيز اللي به الامن رساه

وصلاة رب ٍ في عطاه امحمودي  ............... 

 ............... على النبي اعداد ما حل طرياه

وقصيدة في الشماسية اخرى 

اشماسية بالقلب حبه حفظناه 

قـال الـذي قافـه علـى الـصـدق مبـنـاه والــى بـغــى بـنــي الـمـثـل مـــا يـكــوده

يـاواصـل صـالـح تــرى القـيـل منـصـاه سـلــم عـلـيــه اعــــداد مــــرزم ارعــــوده

الـلــي يـعــد الـحــق يـــوم انــــه ابــــداه فـعــل مـضــى لـجـدودنـا مـــع اجـــدوده

وقـلـه جـوابــك هـاضـنـي زيـــن مـعـنـاه ومــن حشمـتـه بعـطـيـك وافـــي اردوده

الــلــي ذكــرتــه وقـتـنــا الــيـــوم خـــــلاه مـــا عـــاد تـسـمـع بـــه قـلـيـل وجـــوده

هــــذا زمـــــان يــابـــو فـيــصــل تــعـــداه والـنـاس عـمـا قـلـت كـثــرت اصـــدوده

ونــــاس ذكــرتــه فــــز قـلــبــي لــذكـــراه وهاجـت معـان مــن ضمـيـري امــدوده

الـكــل مـنـهـم تـفـعــل الـطـيــب يـمـنــاه وشـهـامـتـه عــلـــى الـمــراجــل تــقـــوده

يصخـون بالمعـروف والطيـب والـجـاه والـكـل مـنـهـم مـــا بـخــل فـــي نـقــوده

مـــاراد بالـمـعـروف مـــن حـــي يــجــزاه يـبــي الـجــزاء مـــن خـالـقـه ومـعـبـوده

مــن زارهــم يـدلــه عـــن الـهــم يـنـسـاه كـــــــل ابــحــقـــه طــــايــــلات ازنــــــــوده

امـدلـهـيــن الـضــيــف والــلـــي تـعــنــاه لــو تــم حــول مــا شـعـر فـــي قـعــوده

ربعـي هــل الـطـولات وان حــل طـريـاه افـخـر بـهـم عـنـد الصـديـق وحـسـوده

وقت اللقاء والضيق من صاح ينخاه حـظــه يـقــوم ويـعـتـلـي فــــي ســنــوده

يـثـنـون دون الـلــي نـخـاهــم الـعـيـنـاه ارهــــاف الـبـواتــر مــرويــات احـــــدوده

ربـعـي هــل الـمـدا عـسـى مــن فـدايـاه الـــلـــي عـــزومـــه بــالــلــوازم بـــــــروده

درب الـكـرم والـطـيـب والـعــز مـاشـقـاه الــلــي مــــلا بـطــنــه وهــمـــه ارقـــــوده

راحــــو وحــنـــا دربــهـــم مـــــا تـركــنــاه ولابـــــد مـــــن يـــــوم نـــــزاور لـــحـــوده

لـي ديـرة تصـعـب عـلـى القـلـب فـرقـاه والـبـعـد حـبــه فــــي ضـمـيــري يــــزوده

اشـمـاسـيـة بـالـقـلـب حــبــه حـفـظـنـاه احــبــهـــا حـــــــب الـــــــودود لــــــــودوده

انـــــا غــرامـــي لا تـمـشــيــت بـــارجـــاه ما هو غرامي شـوف ناقـض اجعـوده

بالمسـتـوي كـلـه مــن ادنـــاه لاقـصــاه عـسـاه طــول الـوقـت مخـضـر عـــوده

لاجــيــت بــرمــه زايــــد الــهــم تــجـــلاه فـيـهـا هـمــوم الـقـلـب راحـــت شـــروده

يـهـيـضـنــي مـــرقــــاه يـــــــوم اتـــعــــلاه احــبــهـــا واحـــــــب ذعــــــــذاع نــــــــوده

واطلـب مــن الـلـي مــا تـعـدد عطـايـاه نـــو حـقــوق حـــق مــــن مــــد جــــوده

تـمـشـي بـــه الــوديــان تــبــرا لـمـجــراه وقـــت بـــه الـعـربـان تـخـلــي اعــــدوده

ام روس والحسـيـان والـلـغـف مـنـهـاه وكــن البصـيـرة مـــن مـــلازم اســـدوده

وكانـه عـلـى نــاس خـفـى مــا ذكـرنـاه أو نـــاس عـــن تـاريــخ داري نـشــوده

تــرجـــع لـــديـــوان الـولـيــعــي وتـــقـــراه عــبــدالله الـنـاصــر امــوضــح ابــنــوده

حـط التاريـخ اللـي عـن الزيـف يـرفـاه عــز الله انــه مــا ذخــر مــن اجـهـوده

هـــذي بــــلادي قــمــة الـمـجــد فــحــواه امــجـــاد عـــــن دار تـــزايـــد امـــجـــوده

فـي ظـل حـكـام عـلـى الخـيـر ممـشـاه والـبـيــت مـــــا يـبــنــى بـلــيــا عــمـــوده

واشـــــوف نـــــاس كــاثـــرات خـطــايــاه وقامـت علـى الاجــواد تشـعـب قـعـوده

وان خليـت كبـرت علـى النـاس بـلـواه ان مــــا لــقــت حــــي يـثــنــي اقــيـــوده

تـــم الـكــلام وكــــل قــصــدي امــجــاراه ومــا اوفـيـت داري حقـهـا لـــو نـــزوده

  





قصيدة في الشماسية

بعنوان :

المعزة مدركينه بالاسنة :

قـــال مــــن زيــــن الـمـعـانـي هـيـضـنـه صـاغـه الـلــي مـحـكـم نـظــم الـقـوافـي

صـــاغـــه الــعــانــي ومــثــلــه ولــعــنّــه مجـزلات القـول مـا يـرضـى السفـافـي

الـظــروف عـــن ديـرتــه يـــوم ابـعـدنـه حـنـتــه حــنــة خــلــوج مــــن الــولافــي

وابـــدع القـيـفـان مــــن وجــــده وفــنــه مــن غـلــى الـديــره لـهــا زج الـخـوافـي

فــي بـيـوت(ن) طـيـب اهلـنـا يـذكـرنـه نــاصــع الـتـاريــخ مــــا يـنـفــاه نــافــي

مـن قريـتـه هــاض مــا بالقـلـب اكـنـه والـجـواب مــن الـوفـاء جــاه امـتـلافـي

حــي هــاك الـقــاف وافـكــار(ن) بـنـنـه وحـي دار(ن) تزدهـي زيـن الوصافـي

الـشـمــاســيــة ومــــدحــــه لاحـــتـــونـــه المـعـانـي جـــن مـثــل نـظــم الـرعـافــي

يـاعـسـى دهــــم الـسـحـايـب يغـتـشـنـه تخـضـر الريـضـان واطــراف السـوافـي

اعــزوم اهلـهـا كــل مـجـد(ن) شيـدنـه فــي عـلـو الـقـيـف يـلـقـى لـــه مـرافــي

الـــمــــعــــزة مــدركـــيـــنـــه بــــالاســــنــــه مـدركــيــن الـــعـــز بـــحـــدود الــرهــافــي

مـــن زبـنـهـم نـــام ونـفـســه مطـمـئـنـه مـــــا يـفــكــر بـالـطـلـيــب ولا يــخــافــي

تـحــت ظـــل الــلــي دخـيـلــه يحـتـمـنـه السيـوف اللـي لـهـا فـعـل(ن) يشـافـي

الـسـيــوف الــلـــي حـــــدوده حـصـنـنــه دون حــــده يـنـثــرون الـــــدم صــافـــي

اسيـوفـهـم شــــرق الاحـيـمــر سـيـلـنـه مـن دمـي الـقـوم وفــي حــد الشـلافـي

يـــوم جــانــا الــغــزو بـاطـمــاع تـقـنــه اركبـوا ربـعـي عـلـى قــب(ن) اخفـافـي

واحـتـمــوا قـطـعـانـهـم والــلـــي وطــنـــه والــمــعــانــد راح عــــبـــــرة لـلــمــقــافــي

وان بغيـت اعــد طـيـب(ن) دون مـنـه تـعــجــز الـقـيـفــان لا تــبــديــه وافــــــي

عـون مضـهـود(ن) همـومـه يسهـرنـه يرفـعـونـه فـــوق عـــن حــــد الـكـفـافـي

وريـف ضيـف(ن) المواجـب يفرضنـه بالمـواجـب مــا يـجـي فيـهـم اقصـافـي

آهـــــــل الـــمــــدا كــرمـــهـــم ســجــلــنــه السنيـن اللـي مضـت وقــت العجـافـي

وعز جار(ن) طيـب عطاياهـم نصنـه يعاملون الجار بنفوس (ن) صخافي

واحـــمـــد الـمـعــبــود عــــــلام الاجـــنـــه عــــد مــــن هــلــل وكــبـــر بـالـمـطـافـي

بــالامــن عــيــن الـمــواطــن مـرجـهـنــه من فضل محي الوطا عقب الجفافـي

ثم فضل اللي حكموا شرع(ن) وسنـه والـجــزيــرة كـلــهــا صــــــارت اريـــافـــي

والقصيدة التي مطلعها : 
بسم  الله ابدى وابتدي زين الالحان 
...........   والحمد للمعبود في مبتداها 
وهي على هذا الرابط 

1 بـــديـــت بســـم الله واحمــــــده تعـــــــــداد
............ ما لاحـت بـــروق(ن) تلتـــه الرواعـــيـــد
2 لـــه الثنـــاء والحمـــد ما ســـال مـــن واد
............ وعـــد النبـــات وعـــد مـــا يسهــج البيـــد
3 وســـلام(ن) احلـــى مـــن لبن شــم الاذواد
............ شـــم(ن) تـــلاهـــا بالمنــــــادي متـــاليـــد
4 بريـــح الخـــزامـــى والنفـــل عقب ما جاد
............ عـــليـــه ربـــي بالمـــزون الــــــرواكيـــد
5 منـــي لكـــم يا هـــل الحفـــل يـــوم الاعياد
............ بالديـــرة اللـــي شـــوف حيـــه لنـــا عيـــد
6 دار(ن) زهـــاهـــا نظـــم الاشعار ويشـــاد
............ نظم(ن) مـــن اللـــولـــو بعنق اتلع الجيـــد
7 لاصـــاغـــه اللـــي مثـــلنـــا دوم بقنــــــاد
............ وأطـــرا بعـــض مفاخـــر الطيـــب تحديد
8 ابيـــات شعـــر(ن) اعجـــزت كـــل نقـــاد
............ صـــوغ الـــذهـــب ولا تجيـــه المنـــاقيـــد
9 مــــــدور المـــعــــــنى بمعنــــــاه ينفــــــاد
............ لا صــــــار ينشـــد باطـــيب القـــول تفويد
10 اشماسيـــة(ن) فيهـــا لنــا عـــز وامجـــــاد
............ وفعـــلا(ن) مـــع الايـــام يـــزداد تمجيـــــد
11 تاريخها يشهــــــد علـــى فعـــل الاجـــــداد
............ وفـــي حاضـــر(ن)لــه جــدد الفعــل تجديد
12 ترحيـــب اهلهـــا لا اقـــبل الضيـــف يزداد
............ واول اقــراهـــم مـــن نمـــاء شمــخ الغيـــد
13 وصيانياً ينثـــر بـــه السمـــن والــــــــــزاد
............ وحيــل(ن) عليهن من شحمهـــن تلابيــــــد
14 اشماسيـــة(ن) يومـــه على الخــيل بطــراد
............ ربعـــي حمـــوها بالسيـــوف المحاديــــــــد
15 اشماسية(ن)للحـــرب وان حـــرك ازنـــــاد
............ ربعـــي نهـــار الكـــون مـــاهـــم رعاديـــد
16 يردون حـــوض المــوت مــن دون تحــياد
............ ويروون حـــد المـــرهفــــــات المهانيــــــد
17 وقت(ن) مضــى يـــوم انهـــا كلها اضــداد
............ والعـــج ثايـــر بيـــن كـــل المضـــاديــــــد
18 وجـــاها معـــزي وألفـــه كيـــف مـــــا راد
............ بالعـــزم والهمـــــة والاريـــــاء مساديـــــد
19 وحـّـد اطــــــراف الـــدار بسيوف(ن)احداد
............ وتحـــولت للجمــع عقــب التفـــاريـــــــــــد
20 وعـــم الرخـــاء تحـت حكمــته والامن ساد
............ مــرحـــوم يا مـــن وحــد الـــدار توحيـــــد
21 والـــــدار مثــــــل الام حنــا لـــــــــه اولاد
............ والام تفـــــرد بـــأطـــيـــــب البـــر تفريـــد
22 مع بعضنـــا للـــــدار نــشـــد الايــــــــــــاد
............ وفيمــا يخدمـــه دوم نبقـــى معاضــــيــــــد
23 العــام قبـــل الخـــاص فـــي كل ما يــــراد
............ ونشـــد ونشـــــدد علـــى العـــام تشديـــــــد
24 وترى شبــــاب اليــــــوم باكر له اعمــــــاد
............ وتـــرى عمـــــاره مـــن قوي العواميـــــــد
25 وقـــو العمـــد بالديـــن يا طــالـــب ارشــاد
............ وتوجيههـــم للــي بـــه الخيـــر ويفـــــيـــــد
26 وتحصينهـــم عن باغــــي الشـــر وافســـاد
............ بعقيــدة(ن) تــــردع هـــل الـــــزيغ والحيد
27 والـــدين يوخـــذ مــن هل العــلــم ويـــــذاد
............ عنهــم اذا جتهـــــم خبـــــــــاث المقاصـــيد
28 مـــن مبتـــدع والا منـــــافـــــــق ولــــــداد
............ او مغـــرض(ن) يبي عـــن الـــدين تلديـــد
29 وتقـــدير اهــــــل العلـــم من جمع وافـــراد
............ وتوقيـــرهم يضــــد كـــيـــد الملاحيـــــــــد
30 هذا زمــــــان مـــوضح الحــــــق ينكــــــاد
............ وســـب الـــرموز اليــوم سمـــوه تغــريـــد
31 وطغـــت قنـــوات(ن) بهـــا بـــث الاحقــاد
............ ومحارٌبـــة كـــل القيـــم والتقــــــاليـــــــــد
32 وتطـــاول الهيـــن علـــى راعـــي شـــــداد
............ وبـــاع الضمـــير اللـــي يروز التماهيــــــد
33 وافتـــى بغيـــر العلـــم من يملـــك مـــــراد
............ مخالـــف(ن) للشـــرع يتبـــع هل الكيـــــــد
34 وحـــق علينـــا نـــرتدع كـــل مــــــن زاد
............ علـــى حــدود الشـــرع مـــا نطيـــع تزويد
35 قولـــه نـــرده لا هــــــل العـــلـــم ويعـــــاد
............ عليـــــه و تفنّـــــد دعـــاويــــــه تفنيـــــــــد
36 ومـــن دارنــــــا بـــزين التماثيل تنقــــــــاد
............ تحيـــة ما ينحصــــــى لــــــه تعاديــــــــــد
37 للـــــــي بظلـــه تنعـــم الـــدار برغـــــــــاد
............ مـــن فضل محيـــي بالمـــزون المهاميـــــد
38 سلمـــان عز الـــدار كســـاب الامجــــــــاد
............ اللـــي كســـب عـــذب الثنـــاء والتحاميــــد
39 حر(ن)عديـــم(ن)لا شهـــر مخلبـــه صـــاد
............ عــــــوق الطيـــار ومفنيـــا للمـــلابيــــــــد
40 سلمـــان سلمـــان الفعـــل ما عنه حـــــــاد
............ الفعـــل سلمـــه مـــا نهـــج سلـــم تنــديــــد
41 سلمـــان سلمـــان العـــزم للحـــزم قــــــــاد
............ بـــدد هـــل الاطمـــاع بالحـــال تبـــــديـــد
42 بالعاصفـــة خـــلا معـــاديـــنـــــــه ابـــداد
............ قضـــى علـــى جمـــع العـــدا والتحاشيــــد
43 في ساعـــة خـــلا الذخـــايـــر والامــــــداد
............ دخـــانهـــا عمـّــــد مـــع الجـــو تعميـــــــد
44 وامـــن حـــدود الـــدار ولجــــــاره اعــــاد
............ شرعيتـــه رغـــم العـــتـــد والمعـــاتيـــــــد
45 بطايـــرات(ن)بالسمــــــاء لـــه توقـــــــــاد
............ وارجـــال فعـــلا(ن) بالملاقـــاء صناديــــد
46 ورعـــد الشمـــال بأوامره ترعد ارعــــــاد
............ ترهـــب عـــدوه بالعــــــدد والتعـــــاديـــــد
47 ومحمـــد ابن نايف كمـــا شـــم الاطــــــواد
............ دون الامــــــن والله يـــجـــازيـــه تأييـــــــد
48 كـــل الفتـــن لـــه طايـــل البــــــــــــاع وآد
............ فـــي مهـــدها ومـــوطـــد الامـــن توطيـــد
49 ومحمـــد ابـــن سلمـــان بالـــراي ســــــداد
............ له نظـــرة(ن) رسم الهدف لـــو هو بعيـــد
50 بتـــوفيق ربه مـــدرك(ن) كـــل الابعــــــاد
............ للرؤيـــة اللـــي تثـــبـــت العـــلـــم تأكيـــــد
51 رؤيـــة بلـــد مـــن فكـــــره اعـــده اعـــداد
............ ونتايجـــه تـــرغـــد بـــه الـــدار ترغيــــــد
52 وفيصـــل ابـــن مشعـــل للافـــعــــال رواد
............ تقلـــد وشـــاح الفـــعـــل والطــيـــب تقلــيد
53 وفهـــد ابـــن راضـــي محـــافـــظ ونشـــاد
............ عن كل فعـــل(ن) يـــرفــع الـــدار ويشـــيد
54 وذكـــر الوفاء لـــلاهــل الوفاء حق ينعـــاد
............ للـــي رعـــوا حفـــل مضـــى لازم نعيـــــد
55 لاجاء مجــال الطيـــب لابـــد ينشــــــــــاد
............ لـــه بالفعـــول الماضـــيـــة والمـــجــاديـــد
56 ناس(ن) عطـــت من مالهـــا تبي الاسعـــاد
............ للـــدار واهـــل الــدار جـــعـــلــه مساعيــد
57 واليـــوم رعاه شيخ(ن) لــه الطيــب شهــاد
............ ابو احـــمــد وزير الطيــب قـــرم الاواليــد
58 صالح المطرودي وأطيـــب الفعـــل ما كـاد
............ عليــه ولا يخشــى علـــى المـــال تنـــفـــيد
59 شيـــخ إلـــى عـــدو هل الجـــود الاجـــواد
............ ينعد باولهـــم علـــى العـــلـــم تــــــاكيــــــد
60 مواقفـــه تـــشـــهـــد قـــديمـــات واجـــــداد
............ ما تنحـــصـــي بحـــسابهـــا والتعــــــاديــد
61 صـــالح وزيــر الطـــيــب مـــا نال به جاد
............ جـــود(ن) يفــوق الجـــود عنــد الاجـــاويد
62 حـــاش المـــراجـــل بين همـــات واجهـــاد
............ وصبـــر(ن) علـــى رقي العــلا والتسانيــد
63 وبــذل(ن) صخي وموقف(ن) يبري الاكباد
............ اللـــي بهـــا مـــن قاســـي الظــرف تلهيـــد
64 انا اشهـــد انـــــه بالـــلـــــوازيـــم ســــــداد
............ هـــداج تيمـــاء عنـــد ذكـــر المــــــواريد
65 هــــــداج تيمــاء اللـــي لـــه النــــاس رواد
............ ذولا صـــــواديـــر(ن) وذولا رواويــــــــد
66 ترفع له البيضـــاء علـــى روس الاشهــــاد
............ يوم الــردي يــزود كـــل يـــوم تســـويـــــد
67 صالح على فعـــــل الجمـــالات معتــــــــاد
............ طبع(ن) ولا يحـتـــــاج للطبــــــــــع تعويــد
68 بالمـــد مــــــداء المــــــد تشهـــد للايــــــاد
............ اللـــي تمـــده مـــد مـــا عنـّــه تميــــــــــــد
69 بنـــي المســـاجـــد مـــدها ما عنــــــــه ماد
............ وللجـــاليــات اوقـــــاف بنيـــــا وتشييــــــد
70 وحـــق الشبـــاب بـــديرته حـــط له نــــــاد
............ نادي الوزيـــر اللــي خـــذ الاســـم تعميـــد
71 والطيـــب بالطيـــب إلـــى مـــدح يـــــزداد
............ والا الـــردي مـــا فـــاده المـــدح لــو زيــد
72 كــم واحد(ن)ميت(ن) ولـــو هو بالاوجـــاد
............ اللي جــداه يـــرصـــد المـــال ترصـــــــيد
73 وكــم واحــد حي(ن) ولـــو هو بالالحــــاد
............ مخـــلـــــده فعـــلــــــه مـــع الناس تخليــــد
74 ومـــن يزرع المعــروف للنعـــم حصـــــاد
............ وفعـــلــه يحصـــل عـــند الاكـــرام تحميــد
75 يشــاد فــي فعـــلــه مـــع اقراب وابـــعـــاد
............ وطيـــب الثنـــاء الـــى اذكـــروه الاباعيـــد
76 فعايـــلا(ن) مـــا يغمطـــه غيــــــر جحـــاد
............ ولا ينقصــه مـــن يجـــزي الطيـــب تجحيد
77 وعلـــــى شفيـــع الخلق فـــي يوم الاشهــاد
............ صـــلاة ربـــي عـــد رمــــل الصياهيــــــد




رابط الفيديو 

[url]https://www.youtube.com/watch?v=qFtRoOLWZ6A[/url]

https://www.youtube.com/watch?v=qFtRoOLWZ6A