ا المطرودي
اخـــذت بالـدنـيـا كـثـيـر الـتـجـاريـب
والتجربـة فـي بعـض الاحـوال ثابـت
|
اخذتهـا مــن قـبـل لا يلـحـق الشـيـب
فـي لحيتـي وامضيتهـا يــوم شـابـت
|
مـبـدا الـحـرار بعالـيـات الشخـانـيـب
ونفس(ن) عن المرقاب ما يوم هابت
|
تـعـد حــق ولا تجـامـل عـلـى عـيــب
مــا تقـبـل الهـزعـة ولا يــوم حـابـت
|
ومـن التجـارب نظرتـي بالأصاحـيـب
في غالـب الاحـوال يـا صـاح صابـت
|
يـا بـو حمـد بالكـبـد شـبـت لواهـيـب
نـار(ن) بكبـدي تشتـعـل لـيـن ذابــت
|
ولا تنـفـع الشـرهـة ولا زود تعـتـيـب
الا عــن مـرابـع هــل الـريـب تـابــت
|
لعلـهـا فـــي بـعـدهـا عـنـهـم تـطـيـب
وتنزاح هموم(ن) داخل القلـب رابـت
|
والرفقة اللي ما تسيس علـى الطيـب
لـو طـال مبناهـا علـى الطـول عابـت
|
ومهما حصل ما فيه شك(ن) ولا ريـب
ما نفس عن نفس(ن) بالاحوال نابت
|
نفس(ن) بها تلقـى عـذي المشاريـب
ونفس(ن) طبيعتها لك الضيق جابـت
سليمان المطرودي
|
__________________
ليست هناك تعليقات:
إرسال تعليق