انا قصيمي

كتب الشاعر / عبدالكريم عثمان السعيد ( ابو تركي ) القصيدة التالية بعنوان انا قصيمي : 

كتبتها مـن صامـل الهـرج طـاروق وغنيـتـهـا فـــوق الـرجــوم الطـويـلـه

انـا قصيمـي ديـرتـي مجـدهـا فــوق مـجــدٍ تـــوارث بـالـرجــال الأصـيـلــه

وانـا عليـهـا تلـنـي حـامـي الـشـوق يـحـبـهــا قـلــبــي ولا فـــيـــه حــيــلــه

لا جيتها تسعد بها النفس وتروق وأحـسـهـا لـلــروح صـــارت عـديـلــه

أحسـهـا صــارت شرايـيـن وعـــروق فـي نفسـي اللـي مـن فراقـه عليـلـه

فيها بـدأ عمـري ويشتاقهـا المـوق وحــبٍ لـهـا بـيـن المحـانـي نشـيـلـه

الديرة اللي تستويلـي علـى الـذوق نـــاسٍ مبـاديـهـا الـعـلـوم الجـمـيـلـه

يعل حاسدها عمـى العيـن والعـوق بـيـن البـشـر معـتـوه ضـايـع دلـيـلـه

ويعـل مـن فيهـا مـن النـار معتـوق وامــي وابـــوي وعصـبـتـي والقبـيـلـه

وجدي عليها عد ما ناضت بروق وإعـداد مـا هـلـت حـقـوق المخيـلـه

وقد جاريت قصيدة ابو تركي بالقصيدة التالية : 

اعـداد مـا وبـل(ن) علـى الارض مدفـوق يــــا مـرحـبــا واعــــداد مــــا ســــال سـيـلــه

ترحيب(ن) احلى من لبـن عطّـف النـوق عرب(ن) رعت وسم(ن) بوسـط الخميلـه

يـا معتـلـي فــي حــب الاوطــان شـاهـوق وغـنـيــب فـــــي راســـــه مـعــانــي جـزيــلــه

معـانـيـاً جـنـسـه عـــن الــهــزل مـنـســوق مـــن قـــو سـبـكـه مـــا دخـــل بـــه هـزيـلـه

بدار(ن) يا بو تركي عنه غرب ساحوق وشـرقـيـهــا نـــفـــد(ن) عـــروقـــه مـهـيــلــه

وجـنـوبـيــه اشــيــقــر بــتــاريــخ مـــوثـــوق وحــايـــل شــمـــال ومـــــا بـغـيــنــا بــديــلــه

والله ما الومك به ، ثـرى الـدار معشـوق ومــن لا يعـشـقـه جـعــل مـــا لـــه خلـيـلـه

دار(ن) عـلـيـنـا لــــه مـواجـيــب وحــقــوق والــحـــال مـــــع الامـــــوال بـحــقــه قـلـيـلــه

ومـثـلـك عـلــى حـقــه فـلاهــوب مـسـبـوق تـسـبــق عــلــى حــبــه وكــســب الـنـفـيـلـه

يا شوق من جعده علـى المتـن مفهـوق تــســبـــا هـــواهــــا بـالــعــيــون الـكـحــيــلــه

الــلــي جـبـيـنـه كــنــه الـصـبــح بــشــروق وجـسـمـه يـهـيـل اهـــل الــهــوى بتـعـزيـلـه